Исроилнинг Ғазодаги қилиғи. Ғазоликларга озиқ-овқат етказиб бериш кеский камайган

Исроил гуманитар ёрдам олиб киришнинг янги қоидаларини жорий қилгани сабабли сўнгги ҳафталарда Ғазога озиқ-овқат етказиб бериш кескин камайди. Бу ҳақда Reuters Ғазога юкларни етказиб беришда иштирок этган шахсларга таяниб хабар берди.

Уларга кўра, янги тартиб БМТ томонидан Иорданиядан Исроил орқали Ғазога ёрдам етказиш учун ижарага олинган карвонларга тааллуқлидир. Исроил расмийларининг буйруғига кўра, ушбу йўналиш орқали ёрдам жўнатаётган ёрдам ходимлари «паспорт маълумотлари кўрсатилган шаклни тўлдиришлари ва юк ҳақидаги ёлғон маълумотлар учун жавобгарликни ўз зиммаларига олишлари керак».

Ёрдам ташкилотлари август ойи ўрталарида қўйилган талабга эътироз билдиришмоқда, чунки улар бланкалардаги маълумотлар, агар ёрдам «ҲАМАСга ёки Исроилнинг бошқа душманларига кетса», уларнинг ишчилари учун ҳуқуқий муаммоларга олиб келиши мумкинлигидан қўрқишмоқда, деди манбалар. Натижада, Ғазо асосий таъминот йўли бўлган Иорданиядан икки ҳафта давомида таъминот ололмади. Айни пайтда улар Кипр ва Миср орқали давом этдилар. Шу билан бирга, Исроил Ғазога тижорат озиқ-овқат етказиб беришни чеклаб қўйган.

Бирлашган Миллатлар Ташкилоти ва Исроил ҳукумати маълумотларига кўра, сентябр ойида сектор аҳолисига озиқ-овқат ва бошқа гуманитар ёрдам етказиб бериш 11 ой ичида энг паст даражага тушган.

Ғазога озиқ-овқат ва бошқа юкларни олиб кирувчи юк машиналари сони сентябрь ойида кунига ўртача 130 га тушди, бу аввалги 150 тадан кам. АҚШ Халқаро Тараққиёт Агентлиги вакилларига кўра, Ғазодаги уруш давридаги ўткир озиқ-овқат танқислиги муаммосини ҳал қилиш учун уни 600 та юк машинасида етказиб бериш керак.

13 сентябрь куни «Ал-Қоҳира ал-Ихбария» телеканали жаҳон ташкилотининг Гуманитар масалаларни мувофиқлаштириш бошқармаси вакилига таяниб, БМТ ходимларининг Ғазо шимолига инсонпарварлик ёрдами етказилиши Исроил томонининг айби билан тўхтатилганини маълум қилди.