Испания солиқ қўмитаси Роналдунинг таклифини рад этди. Футболчи 8 йилга қамалиши мумкин

“Реал” клуби ҳамда Португалия терма жамоаси аъзоси Криштиану Роналду Испания солиқ ташкилоти билан музокара олиб бормоқда. Футболчи катта миқдорда солиқ маблағларини яширганликда айбланаётганди.

“AS” нашрининг ёзишича, испан солиқ қўмитаси Роналдунинг яхшигина таклифини рад этди. Яъни португалиялик футболчи 14,7 млн евро миқдорида жарима тўлашга тайёрлигини билдирганди. Айнан шу сумма футболчи яширган маблағларни тўлиқ қопларди. Бироқ испан солиқ қўмитаси бунга кўнмади. Ташкилот “Реал” ҳужумчисидан 28 млн евро тўлашни талаб қилмоқда. Агар футболчи бунга рози бўлмаса, 8 йилга қамалиши мумкин.