Иньеста фаолиятини Хитой ёки Японияда давом эттиради

«Барселона» сардори Андрес Иньеста Каталония клубини тарк этганидан кейин фаолиятини қаерда давом эттириши мумкинлигини айтиб ўтди.

«Ҳаётимдаги энг муҳим қарорлардан бирини қабул қилишим керак. Ҳозирда олдимда иккита вариант бор – бу Хитой ёки Япония. Мен барча нарсани тарозуга солиб кўриб, энг яхши қарорни қабул қилишим керак.

Мен келаси ҳафтада якуний жавобни айтишни режалаштиряпман. Шундан сўнг бор эътиборимни жаҳон чемпионатига қаратаман», – деди Иньеста Goal нашрига берган интервьюсида.