Голливудча табассум орзуси: соғлом тишларга винирлар ўрнатса бўладими?
Тишлар кўриниши шундоғам яхши бўлса, нима учун винирлар ўрнатиш керак? Улардан фойдаланиш тишларга путур етказади, деган фикр тўғрими?
Фото: Change.lua
Доимо чиройли ва соғлом табассум муваффақият, фаровонлик ва мавқега ишора қилади. Винирлар эса бунга яқиндан ёрдам беради. Аммо ундан фойдаланиш жуда кўп саволларни ҳам туғдириши табиий. Аммо тиш шифокорининг малакаси етарли даражада бўлса, ушбу муолажа мутлақо хавфсиздир.
Фото: Lisa
Винирларни соғлом тишга ўрнатиш мумкинми?
Винирларни ўрнатиш жараёни жуда секин юз беради. Дастлаб шифокор кўригидан ўтиб, берилган кўрсатмаларга риоя қилиш зарур. Тайёргарлик жараёнидан сўнг энг қизиқ жараён — тишларни йўниш бошланади. Қандай бўлмасин, тишлар юзасига ишлов берилади, акс ҳолда, винирлар сифатли тарзда ўрнатилмайди.
Шунингдек, винирлар ҳар қандай ҳолатда ҳам фақатгина соғлом тишларга қўйилиши керак. Агар соғлиқда қандайдир муаммолар пайдо бўлса, унинг ножўя таъсиридан дарак беради. Айтганча, винирларни табиий тишларни йўнмасдан жойлаштириш ҳақида маълумот берилса, демак, бошқа шифокорга мурожаат қилиш керак. Сабаби ушбу жараённинг асоси йўниш бўлиб, усиз протезларни кийдириб бўлмайди. Шунинг учун барча маълумотларни олдиндан ўрганиб чиқиш зарур. Бундан ташқари жараён ҳақида тўлиқ маълумотга эга бўлиш учун савол беришдан қўрқмаслик керак.
Фото: Change.lua
Беморлар одатда тишларини винирлар остида нафас ололмаслигидан беҳудага хавотир олади. Тишлар шундоқ ҳам нафас олмайди. Шунинг учун бу ҳақда ортиқча ўйлашнинг кераги йўқ. Винирларни ўрнатиш тишларни шунчаки эстетик тиклаш бўлиб, у узоқ вақт давомида тадқиқ қилинган ва синовлардан ўтган. Аслида тишлар чириганда унинг ўрнига янгиси ҳам шу тарзда қўйилади.
Винирларнинг чидамлилик муддати индивидуал бўлиб, у шифокорнинг касбий маҳорати, техникаси ҳамда беморнинг оғиз гигиенасига ҳам боғлиқ. Винирлар учун алоҳида парвариш лозим.
Фото: Lisa
Бундан ташқари, винирларни ўрнатишда арзон ёки тежамкорликка учмаган маъқул. Сабаби жараён давомида бирор нарсани тежаш кутилмаган натижага олиб келиши мумкин. Шунингдек, винир ўрнатиш бўйича эълон қилинган чегирмаларга ҳам учмаслик тавсия этилади.
Шуни ёдда тутиш керакки, бугунги кунда гўзаллик меъёри табиийлик билан узвий боғлиқ. Ушбу жараён тишларнинг ташқи кўринишини янада яхшилайди ва чиройли табассумга ҳисса қўшади.
