Ғарбда Украинанинг ҳудудлардан воз кечиши НАТОга қўшилиш шарти деб аталган

Ғарбнинг фикрича, Украина можарога барҳам бериш ва Шимолий Атлантика альянсига қўшилиш учун Россияга ҳудудини бериши керак бўлади. Бу ҳақда Финанcиал Тимес газетаси Ғарбнинг аноним юқори мартабали мулозимига таяниб ёзмоқда .

Унинг сўзларига кўра, ҳудудни НАТОга аъзо бўлиш имкониятига «алмаштириш» «ягона мумкин бўлган вариант».

ФТ манбаси айтганидек, «ҳамма буни билади», лекин ҳеч ким буни очиқ айтмайди.

Бу Ғарбнинг ягона стратегияси, дейди исмини ошкор этмаган расмий.

Шу билан бирга, Украина раҳбариятидаги манба Россиянинг Украинани альянсга қўшилишига рухсат беришига шубҳа билдирди.

ФТ шунингдек, манбаларга таяниб, АҚШ президенти Жо Байден ваколат муддати тугагунга қадар Украинанинг НАТОга кириши масаласида маълум ютуқларга рози бўлиши мумкинлигини хабар қилди.

Шу билан бирга Туркия президенти Ражаб Тоййиб Эрдўғон НАТОга аъзо кўплаб давлатлар Украинанинг иттифоққа қўшилишини истамаслигига эътибор қаратди.

Унинг сўзларига кўра, биринчи навбатда Вашингтон буни хоҳламайди.