Ferrari автоконцерининг IT-тизими хакерлар ҳужумига учради

Италиянинг Ferrari автомобил концернининг ахборот тизимлари бузилган, ҳужумчилар тўлов талаб қилган. La Repubblica газетасининг душанба куни хабар беришича, саботаж компания ишига ҳеч қандай таъсир кўрсатмаган.

Концерн ҳеч қандай тўловни қабул қилмаслигини айтди, "чунки бундай талабларга рози бўлиш жиноий фаолиятни молиялаштиради ва таҳдид қилувчи шахсларга ҳужумларини давом эттиришга имкон беради".

"Биз зудлик билан дунёнинг етакчи киберхавфсизлик компанияси билан ҳамкорликда тергов бошладик. Биз ваколатли органларни хабардор қилдик ва улар тергов қилиш учун қўлларидан келганини қилишларига ишончимиз комил", - дейилади Ferrari баёнотида.

Концерн раҳбарияти мижозларни "маълумотлар йўқолиши мумкин бўлган хавф ва ҳодисанинг табиати” ҳақида хабардор қилди.