Европа Иттифоқи Украинага 2 миллиард долларлик ўқ-дори етказиб бериш режасини келишиб олди
Европа комиссияси, Европа ташқи ҳаракатлар хизмати ва 27 мудофаа вазирлари Украинага ўқ-дорилар етказиб беришни тезлаштириш ва Европа мудофаа саноатини қўллаб-қувватлаш бўйича режани якунлади, деб хабар бермоқда АFP.
Режада иштирокчи давлатларнинг Украина учун қурол сотиб олиш бўйича 2 миллиард евро миқдоридаги молиявий мажбуриятлари кўзда тутилган.
«Мақсадимиз - Украинани ўқ-дори билан таъминлаш. Тез орада, энг катта миқдорда ва энг арзон нархда», - деди Европа Иттифоқининг ташқи ишлар ва хавфсизлик сиёсати бўйича олий вакили Жосеп Борель.
Украинада рус қўшинлари ҳар куни 20 мингга яқин ўқ отади, Украина армияси эса 4-5 баравар камроқ.
9 февраль куни Украина президенти Владимир Зеленский Европадан Киевга миллион дона ўқ-дори, жумладан, 155 миллиметрлик снарядлар етказиб беришни сўради.
DPA агентлиги маълумотларига кўра, Европа Иттифоқи яқин 12 ой ичида айнан шундай қанча янги артиллерия ўқларини Киевга етказиб беришни режалаштирган.