Эрон олий раҳбари Трампга жавоб қайтарди

Эрон олий раҳбари оятуллоҳ Али Хоманаий АҚШ билан музокаралар имкониятини рад этиб, ўтмиш тажрибаси шуни кўрсатадики, бундай музокаралар "на ақлли, на доно, на шарафли" эканлигини таъкидлади.

Унинг жума куни Эрон ҳарбий-ҳаво кучлари зобитлари билан учрашувида билдирган фикрлари АҚШ президенти Доналд Трамп Теҳрон билан янги тасдиқланган ядровий тинчлик битимини тузишга бўлган чақириғини такрорлаганидан бир неча кун ўтиб айтилди.

Хоманаийнинг бу баёноти Эроннинг ислоҳотчи президенти Масъуд Пезешкианнинг сўнгги саъй-ҳаракатларига тўсқинлик қилди. Пезешкиан 2024 йилда Ғарб билан мулоқот ўрнатиш ваъдаси билан сайловда ғалаба қозонган эди. Бу баёнот, шунингдек, Теҳроннинг музокаралар мумкинлиги ҳақидаги аввалги ишораларига зид келмоқда.

Трампнинг келишув бўйича янги уриниши АҚШнинг Эронга нисбатан "максимал босим" стратегияси доирасида санкцияларни қайта жорий этиши билан бир вақтга тўғри келди.

Хоманаий ўтмишдаги муваффақиятсизликларни мисол келтириб, АҚШ билан музокаралар ҳеч қандай сезиларли натижага олиб келмаслигини таъкидлади.

"Биз музокаралар олиб бордик, ён бердик, муросага келдик — лекин кўзлаган натижаларимизга эриша олмадик," деди у, Трампнинг биринчи муддати даврида АҚШ чиқиб кетган 2015-йилги ядро келишувига ишора қилиб.

У шунингдек, Трампнинг келишувдан воз кечишдаги ролига тўхталиб, қўшимча қилди: "Айнан бугунги кунда лавозимда ўтирган шахс келишувни бекор қилди. У шундай қилишини айтган эди ва айтганини қилди."

Хомонайий музокараларни бутунлай рад этмаган бўлса-да, унинг сўзлари музокаралар эҳтимоли паст эканлигидан дарак беради.

2015-йилги ядро келишувидан АҚШни бир томонлама олиб чиққан Трамп дарҳол янги келишув тузиш кераклигини таъкидлади. Сешанба куни санкцияларни қайта жорий этаётиб, у шундай деди: "Эрон билан келишувга эриша оламизми ёки йўқми, кўрамиз."