Эрдўғон Швеция ва Финляндиянинг НАТОга киришига қарши чиқди
Эрдўғон Швеция ва Финляндиянинг НАТОга киришига қарши чиқди. Бу ҳақда «BBC news» манбаси хабар берди.
Анқара Швеция ва Финляндиянинг НАТОга қўшилиш имкониятини ижобий деб ҳисобламайди. Бу ҳақда жума куни Туркия президенти Ражаб Тоййиб Эрдўғон маълум қилди.
Шунингдек, у Скандинавия давлатлари «террорчи ташкилотларнинг бошпанасига айланганини» қўшимча қилди.
Эрдўғаннинг баёноти Швеция ва Финляндиянинг НАТОга киришига тўсиқ бўлиши мумкин, чунки қабул қилиш тўғрисидаги қарор альянсга аъзо барча давлатлар учун консенсус асосида қабул қилиниши керак дейилади манба хабарида.
Бунга жавобан икки давлат ташқи ишлар вазирлари туркиялик ҳамкасби билан шанба куни Берлинда учрашиши кутилаётганидан умидвор эканликларини билдирдилар.
Матнда хатолик топсангиз, ўша хатони белгилаб, бизга жўнатинг (Ctrl + Enter).
