ЕОИИда болаларни “қўрқинчли” ўйинчоқлардан ҳимоя қилишга оид тавсия ишлаб чиқилди

Евроосиё иқтисодий комиссияси (ЕИК) болаларни уларнинг соғлиғи ва ривожланишига зарар етказувчи ахборотдан ҳимоя қилиш тўғрисидаги тавсияномани қабул қилди. Бу ҳақда ЕИК матбуот хизмати хабар берди.

Хусусан, ҳужжат болалар ва ўсмирларга мўлжалланган стол устидаги ўйинлар, ўйинчоқлар, либослар, рюкзаклар ва бошқа товарларга тааллуқли. Бундан товарларда бола соғлиғига ва руҳиятига зарар етказувчи ахборот бўлмаслиги шарт.

ЕИК ҳайъати аъзолари Иттифоқнинг “Ўйинчоқлар хавфсизлиги тўғрисида”ги техник регламентига ўзгартириш киритишга оид ишни давом эттириш мақсадга мувофиқ деб топишган. У болаларнинг ўйинчоқларнинг салбий таъсиридан ҳимоя қилиш учун уларга бўлган минимал талабларни назарда тутади.

Болаларни уларнинг жисмоний ва руҳий соғлиғига, ахлоқий, маънавий, руҳий, жисмоний ва ижтимоий ривожланиша зарар етказувчи ахборотдан ҳимоя қилиш тўғрисидаги модел қонунни МДҲ Парламентлараро Ассамблеяси 2009 йил декабрида қабул қилган. Евроосиё иқтисодий иттифоқининг (ЕОИИ) икки давлати – Россия ва Қозоғистон тегишли қонунларни қабул қилган. ЕИК яна уч мамлакат – Қирғизистон, Арманистон ва Беларусга ўз қонунчилигига бундай ҳужжатни қўшиш имкониятини кўриб чиқишни тавсия қилган.