Эгей минтақасидаги тарихий велосипед манзиллари ҳақида нималар маълум?

Туркиянинг бахт соҳили бўлган фируза рангли Эгей минтақаси ҳар қандай дид ва тажриба даражасига мос келадиган турли йўналишларга эга велосипед ихлосмандлари учун бамисли “жаннат”дир. Маршрутлар шунчалик кўп қирралики, ҳар қадамда велосипедчиларни жалб қилувчи бетакрор қирғоқлар ва кўзни қамаштирувчи ландшафтлардан тортиб тарихий қишлоқлар, қадимий ҳамда Cittаclоw шаҳарлари ва мазали, соғлом Эгей таомларини учратиш мумкин. Шунингдек, минтақанинг велосипед имкониятлари нафақат маршрутларни ўз ичига олади, балки велосипедлар учун хавфсиз тўхташ жойи, велосипедларни тозалаш ва таъмирлаш хизматлари каби кўплаб қулайликларга эга турар жой муқобиллари билан эътиборга моликдир.

Тарих ва табиат бўйлаб велосипед ҳайдаш: EuroVelo 8

Бутун Европа қитъасини узоқ масофали велосипед йўналишлари билан боғлайдиган EuroVelo тармоғига Туркиянинг биринчи қўшилиши EuroVelo 8 орқали амалга оширилади. Ўрта ер денгизи йўналиши сифатида ҳам танилган EuroVelo8 жами 5900 км бўлиб, 11 мамлакатдан ўтади. Маршрутнинг қарийб 500 километри Туркиянинг учинчи йирик шаҳри бўлган Измирдан ўтади. Маршрутнинг биринчи бекати Пергамон антик шаҳри бўлиб, у ердан Измир қушлар жаннати, Каршияка, Алсанжак, Сефериҳисар, Сигажик, Урла ва Алачати каби хушманзара жойлардан ўтади ва охири қадимги Эфес шаҳрида тугайди. ЮНEСКОнинг иккита Жаҳон мероси объекти - Пергамон ва Эфесга қўшимча равишда, велосипедчилар кўплаб қишлоқларда, дам олиш масканларида ва Cittaclоwда (Сефериҳисар) маршрут бўйлаб тўхташлари мумкин. Шунингдек, Гедиз дельтасидаги Қушлар жаннатида фламинголарни томоша қилиш, Каршияка ва Алсанcак соҳиллари бўйлаб ажойиб манзаралардан баҳраманд бўлиш, Урла узумзорлари йўлидаги маҳаллий вино заводларига ташриф буюриш ва ҳатто Алачатида шамол серфингини синаб кўриш мумкин.

Мармарис тоғи велосипед йўлларидаги чўққиларни забт этиш

Саргузаштга бой велосипед тажрибасини афзал кўрганлар учун Мармарис тоғи велосипед йўллари айни муддаодир. Ушбу маршрутлар паст баланд тепаликлар, тик кўтарилиш ва ҳаяжонли тушиш каби саргузаштсевар велосипедчилар учун мўлжалланган бўлиб, Мармарисни ўраб турган қарағай ўрмонлари ва тоғли ландшафтлардан ўтиб, ям-яшил ўрмонлар, қўл тегмаган кўрфазлар, балиқ овлаш қишлоқлари ва Эгей денгизи туркуаз сувларининг ажойиб манзараларини тақдим этади. Масалан, Мармарис-Чамлибел-Гўкбел йўналиши велосипедчиларга тоза тепаликларда сукунат ва кислороддан баҳраманд бўлиш имконини берса, Мармарис-Каражасўғут йўналиши эса Амнистос қадимий шаҳридан бошланиб, органик қишлоқ Ешилбелдедан ўтади. Каражасўғут ҳам “мовий саёҳат” йўналишидир. Охирги бекат инглиз бандаргоҳи бўлиб, Иккинчи жаҳон уруши пайтида немис флотидан қочган Британия сув ости кемаларининг бошпанаси эди. Минтақадаги энг машаққатли тоғ велосипед йўли Селимие-Орҳание-Байирдир. Бошланиш нуқтаси балиқчилар маҳалласи Селимие бўлиб, 58 километрлик маршрутда велосипедчилар 1285 метр баландликка кўтарилади. Ушбу машҳур йўлларга қўшимча равишда, Мармарис ва унинг атрофида жуда кўп қийин йўллар мавжуд. Қисқа Ичмелер-Жамияни йўлидан тортиб Мармарис-Бўрдубет Еди Адалар ва Чанли-Каражагача бўлган пляжлар ва сокин йўлларни бирлаштирган манзиллар адреналин изловчилар учун жуда кўп имкониятлари билан мақтовга лойиқдир.

Кўйжеғиз-Ортаcа-Даламандаги ЭКО йўллари

Эгей ва Ўрта ер денгизлари, Кария ва Ликия цивилизацияларининг кесишган нуқтасида жойлашган Кўйжеғиз, Ортажа ва Даламан туманлари Далян туризм, маданият ва атроф-муҳитни муҳофаза қилиш уюшмаси томонидан яратилган ноёб ЭКО йўлларини таклиф қилади. Йўналишлар орасида Кўйжеғизда бешта, Ортажада тўртта, Даламанда бешта ва уланиш йўллари мавжуд. Қизил йўналиш белгилари билан белгиланган ҳар бир маршрут тахминан 30 км узунликда бўлиб, ҳар кимга ўз даражаси ва қизиқишларига мос маршрутни танлаш имконини беради. ЭКО Траилс табиий бойликлар ва кашфиёт имкониятлари билан тўла. Масалан, Кўйжеғиз кўли, Алағал, Сулуклу, Сулунгур ва Изтузу кўллари каби сувли ерлар минтақанинг хилма-хиллигини акс эттиради, Кожағол ва Гўкчеова ҳовузлари эса сокин муҳити билан ажралиб туради. Юварлакчай ва Кепез канёни каби табиат мўъжизалари ажойиб манзараларни тақдим этса, Чичекбаба, Чал ва Ўлемез каби тоғлар табиатнинг турли сирларини кашф этади. Велосипедчилар маршрут бўйлаб қарағай дарахтлари орасида тоза ҳаводан нафас олиб, фируза кўл сувларида салқинлашар, шунингдек, денгиз “cаrеttа cаrеttа”лари, Ликия саламандри ва Измир балиқлари каби ноёб турларни кузатишлари мумкин. Шунингдек, Каунос, Писилис, Лида, Октаполис, Телмеццос ва Кибйра каби қадимий шаҳарларга ташриф буюриб, уч минтақанинг тарихи ва маданияти билан яқиндан танишиш мумкин.