Чеченистоннинг "Ахмат" ҳарбий қисми Украинага қарши урушда қатнашиш учун янги автомашиналарни олди
Чеченистоннинг "Ахмат" ҳарбий қисми Украинага қарши урушда қатнашиш учун янги автомашиналарни олди, шу жумладан Хитойда ишлаб чиқарилган 8 та ShaanXi Tiger 4x4 зирҳли транспортёрлари ҳам бор. Бунгача Хитой бир неча бор Россияга ҳарбий етказиб беришни рад этган, деб хабар беради “Kavkaz.Realii”.
7 июн куни Чеченистон раҳбари Рамзан Қодировнинг "Телеграм"ида янги жиҳозлар акс этган видео пайдо бўлди. У ўзининг яқин ҳамкорлари билан бронетранспортёрлардан бирини ҳайдаб, “бирорта ҳам ўқ етмайдиган” “энг яхши машина” эканлигини эълон қилди. Худди шу зирҳли транспорт воситалари Shaanxi Baoji Special Vehicles Manufacturing ишлаб чиқарувчиси каталогида мавжуд.
Хорижий манбалар Хитой Украинага қарши урушда қатнашиш учун Россияга турли жиҳозлар ва бутловчи қисмлар етказиб бераётгани ҳақида бир неча бор хабар берган. Аммо Пекин ўзини бетараф деб даъво қилади ва урушаётган томонларнинг ҳеч бирига қурол бермаслигини айтиб келади.
