Буффон «Олтин тўп» тарихидаги энг катта адолатсизликни айтди

«Парма» дарвозабони Жанлуижи Буффон «Барселона» клуби ва Испания миллий жамоасининг собиқ яримҳимоячиси Андрес Иньестага ўз вақтида «Олтин тўп» берилмаганидан норози.

«Мен учун «Олтин тўп» билан боғлиқ энг катта адолатсизлик — Иньестага ушбу соврин берилмагани. Андрес Марадона, Месси ёки Роналду каби кучли эди», — деди Буффон France Football нашрига берган интервьюсида.

2010 йили Иньеста овоз олишда иккинчи бўлиб, бу борада «Барселона»даги шериги Лионель Мессига ютқазган, 2012 йилда эса 3-ўринни эгаллаган.

Маълумот учун, 38 ёшли испан бу мавсумда «Виссел Кобе» сафида Япония чемпионатида 11та баҳсда 2тадан гол ва ассистни ўз ҳисобига ёздириб қўйди.