Бербок ЕХҲТ йиғилишида Россия Федерациясини Украинадаги урушни тўхтатишга чақирди

Германия ташқи ишлар вазирлиги раҳбари ишончи комилки, бунинг учун Украинадан ҳеч қандай имтиёз ёки музокаралар талаб этилмайди. "Ягона талаб қилинаётган нарса Россиянинг қароридир”, дея таъкидлади Анналена Бербок Скопьеда бўлиб ўтган ЕХҲТ Ташқи ишлар вазирлари кенгаши йиғилишида.

Бербокнинг ишонтиришича, Россия нафақат Украинани, балки ЕХҲТ каби халқаро ташкилотларни ҳам йўқ қилмоқчи. "Биз ҳар куни Европа тинчлик тартибини ҳимоя қиламиз. Россия бу ҳамкорликни бузишга ҳаракат қилмоқда, аммо биз бунга йўл қўймаймиз", — дея таъкидлади у.

Лавровнинг маълум қилишича, ЕХҲТнинг чуқур инқирозида фақат Ғарб давлатлари айбдор. "ЕХҲТ моҳиятан НАТО ва Европа Иттифоқининг қўшимчасига айлантирилмоқда. Очиғини тан олсак, ташкилот тубсиз жар ёқасида", — дея Лавровнинг Скопьедаги нутқидан иқтибос келтиради Интерфакс агентлиги.