Байден АҚШ фуқароларини Эронга ташриф буюришдан тийилишга чақирди

АҚШ Президенти Жозеф Байден мамлакат фуқароларини Эронга ташриф буюришдан тийилишга чақирди.

«Репорт» «ТАСС»га таяниб, буни у жиддий хавфлар мавжудлиги билан изоҳлади, деб ёзади.

«Фуқароларимизнинг уйларига қайтишини (маҳбуслар алмашинуви доирасида – Эслатма) қутлаб, барча америкаликларга Эронга сафарлар жиддий хавф-хатарлар билан боғлиқлигини яна бир бор эслатиб ўтаман. АҚШ паспортига эга одамлар у ерга бормаслиги керак», деди Байден.

АҚШ раҳбарининг қўшимча қилишича, Эрондаги Америка фуқаролари ўғирланиши ва асоссиз ҳибсга олиниши мумкин.