Бахтиёр Саидов Малайзия Парламенти Вакиллар палатаси спикери билан учрашди

Ўзбекистон ташқи ишлар вазири Бахтиёр Саидов кеча Куала-Лумпур шаҳрида Малайзия Парламенти Вакиллар палатаси спикери Жоҳари Абдул билан учрашув ўтказди, деб хабар қилаяпти «Дунё» АА мухбири.

«Малайзия Парламенти Вакиллар палатаси Спикери Жоҳари Абдул жаноблари билан учрашиш имкониятига эга бўлганимизни қадрлаймиз, — деб ёзди Ўзбекистон ТИВ раҳбари ўзининг telegram-каналида. — Парламент дипломатияси халқларимизни яқинлаштиришда катта устунликка эга бўлиб, икки томонлама ҳамкорлик равнақи йўлида муҳим масалаларни ҳал этишда янада фаол аҳамият касб этиши шубҳасиз».