«Барселона»нинг энг кўп маош олувчи футболчилари маълум бўлди

«As» нашри «Барселона» клубининг энг катта маош олувчи футболчиларини маълум қилди.

Манба хабарига кўра, каталонияликлар сафида энг кўп пулни Жерар Пике олади — йилига 28 млн евро. Ундан кейинги ўринларда Серхио Бускетс (23 млн евро), Хорди Альба, Самуэль Умтити (20 млн евродан), Тер Штеген (14 млн евро), Усмон Дембеле ҳамда Сержи Роберто (12 млн евродан) бормоқда.

«Астон Вилла»га ижарага берилган Филиппе Коутиньо эса 16 млн евро маош олади.

Эслатиб ўтамиз, ўтган йилнинг ёзида Жерар Пике, Хорди Альба ва Сержи Роберто маошларининг қисқартирилишига рози бўлишган эди.