Асал ва долчин аралашмасининг дориворлиги

Асалнинг ҳам, долчиннинг ҳам шифобахш хусусиятлари кўп. Иккиси уйғунлашганида эса бу хусусиятлари янада ортади.

Юрак касаликларида

Ҳар куни нонуштада мураббо ўрнига асал ва долчин кукунидан тайёрланган паста сурилган нон енг. Бу холестерин даражасини камайтириб, инфарктдан асрайди. Ҳатто инфаркт бўлганлар ҳам қайта инфаркт бўлишдан қутулишлари мумкин.

Кучли чарчоқ ва ҳолсизликда

Ҳар куни тонгда оч қоринга ва тушдан сўнг тахминан 15:00да долчин ва ярим қошиқ асал қўшилган сув ичиш организмнинг ҳаётий фаолиятини оширади.

Артритда

Ҳар куни эрталаб ва кечқурун 2 чой қошиқ асал ва ярим чой қошиқ долчин қўшилган 1 пиёла илиқ сувни мунтазам ичиш ҳатто сурункали артритни ҳам даволайди.

Холестерин миқдорини камайтиришда

2 стакан илиқ сув билан аралаштирилган 2 ош қошиқ асал ва 3 чой қошиқ долчин қондаги холестерин даражасини 2 соатда 10 фоизга камайтиради. Артритга чалинганларда бўлганидек, аралашмани кунига 3 маҳал истеъмол қилиш сурункали касалларда ҳам холестерин миқдорини камайтиради.

Иммунитет кўтаришда

Ҳар куни асал ва долчин истеъмол қилиш организмнинг ҳимоя кучларини ошириб, бактерия ва вируслардан ҳимоя қилади, лейкоцитларнинг бактериал ва вирусли касалликларга қарши курашувчанлигини оширади.

Циститда

2 ош қошиқ долчин ва 1 чой қошиқ асални бир оз илиқ сувда аралаштириб, истеъмол қилинг. Бу қовуқдаги инфекцияларни йўқ қилади.

Соч тўкилишида

Соч илдизига қиздирилган зайтун мойи, 1 ош қошиқ асал, 1 чой қошиқ долчиндан иборат аралашмани бош ювишдан 15 дақиқа олдин суринг. Кейин сочингизни илиқ сувда ювинг.

Тери ва тирноқ замбуруғида

Тенг миқдордаги асал ва долчин аралашмаси зарарланган тери ва тирноққа сурилса, замбуруғ ва тери инфекцияларининг бошқа турларини даволайди.

Ҳуснбузарни кетгазишда

3 ош қошиқ асал ва 1 чой қошиқ долчиндан паста тайёрлаб, ухлаш олдидан ҳуснбузарларга суринг. Юзингизни эрталаб илиқ сувда ювиб ташланг. Ҳуснбузарлар 2 ҳафтада буткул йўқолади.

Ошқозондаги оғирликда

Ярим чой қошиқ долчин кукуни ва 2 ош қошиқ асалдан иборат аралашма овқат олдидан истеъмол қилинса, кислота миқдорини камайтириб, энг оғир таомни ҳам ҳазм қилишга ёрдам беради.

Қорин дам бўлишида

Долчин ва асал қорин дам бўлишини камайтиради.

Оғиздаги ҳидни кетгазишда

Жанубий Америка аҳолиси кун давомида оғиздан ёқимсиз ҳид келмаслиги учун эрталаб асал ва долчинли иссиқ аралашмада томоқларини чайишади.

Шамоллаш ва гриппда

1 ош қошиқ илиқ асални чорак қошиқ долчин билан аралаштириб, кунига 3 маҳал истеъмол қилинг. Бу йўтал, шамоллашни даволаб, бурун йўлларини тозалайди.

Остеохондроздаги оғриқлар, лат ейишда

1 чой қошиқ долчинни 1 ош қошиқ асал билан яхшилаб аралаштиринг. Оғриётган жойга енгил уқаловчи ҳаракатлар билан суриб, компресс сифатида ёпиб қўйинг. Аралашма қаттиқ куйдирганда уни олиб ташлаш керак.

Терини юмшатишда

3 стакан сув ва 1 ош қошиқ долчин дамламасига 4 ош қошиқ асал солинг. Кунига 3-4 маҳал чорак финжондан истеъмол қилинг. Бу терини юмшоқ ва ёш сақлаб, юзга тез ажин тушишдандан ҳимоялайди.

Manba: azon.uz