АҚШ томонидан Россияга қарши янги санкциялар киритилди

АҚШ Молия вазирлиги Америка томони россиялик юридик ва жисмоний шахсларга қарши янги санкциялар жорий қилаётганини маълум қилди.

“РИА Новости”нинг Америка департаментига таяниб хабар беришича, Россияга қарши янги санкциялар, хусусан, “Вагнер” гуруҳи ва унинг раҳбари Евгений Пригожинга алоқадорлиги тахмин қилинаётган кема таъмирлаш корхоналари, тузилмалари ва жисмоний шахсларга нисбатан жорий этилмоқда.

Санкциялар орасида бош вазир ўринбосари, саноат ва савдо вазирлиги раҳбари Денис Мантуров ва Татаристон раҳбари Рустам Минниханов ҳам бор.