Анжелина Жоли иштирокидаги “Абадий” блокбастерининг трейлери эълон қилинди (ВИДЕО)

Marvel YouTube каналида “Абадий” ("Вечные") блокбастерининг охирги трейлери намойиш қилинди.

Фильм ўзга сайёралик ўлмас ирқ вакиллари яъни абадий яшовчилар ҳақида ҳикоя қилади. Янги кинокартинада бош қаҳрамон Ер сайёрасида сирли равишда 7 минг йилдан буён яшаб, Девиантлар ҳужумидан одамларни ҳимоя қилади.

Видеороликда бутун дунё аҳолисининг ярми қирилиб кетгани, қасоскорларнинг Таносга қарши чиқиш воқеалари кўрсатилади. Фильмда ролларни Анжелина Жоли, Сальма Хайек, Кумэйл Нанджиани, Джемма Чан, Кит Харрингтон, Ричард Мэдден ва бошқалар ижро этади.

Хабарда фильм жорий йил ноябрда премьера қилиниши маълум қилинган.