Анатолий Антонов Қора денгиздаги воқеа юзасидан Давлат департаментини конструктив алоқага чақирди

Россиянинг Вашингтондаги элчиси Анатолий Антонов Қора денгиздаги воқеа юзасидан Давлат департаментини конструктив алоқага чақирди.

АҚШ Давлат котибининг Европа ва Евроосиё масалалари бўйича ёрдамчиси Карен Донфрид билан маслаҳатлашувлардан сўнг журналистлар билан суҳбатда Антонов Қора денгиз осмонида юз берган ҳодисани талқин қилишда томонлар ўртасида келишмовчиликлар сақланиб қолаётганини тасдиқлади. Донфрид содир бўлган воқеа муносабати билан «қандайдир оқибатлар» ҳақида огоҳлантирдими ёки йўқми, деган саволга элчи табассум билан жавоб берди: «Демоқчисизки, у менга таҳдид қилдими ёки йўқми?». «Йўқ, - деб давом этди Антонов. - Биз бу масала бўйича фикр алмашдик, чунки бугун айнан нима содир бўлганлиги борасида орамизда баъзи келишмовчиликлар мавжуд.

»Аммо, менимча, бу мавзу бўйича конструктив суҳбат бўлди. Мен унинг сўзларини тингладим. Умид қиламанки, у айтганларимни тушунди", - деди россиялик дипломат.