Алсгеймер ва Паркинсон касалликларини аниқлайдиган қурилма ишлаб чиқилди

АҚШлик ва Хитойлик халқаро олимлар гуруҳи Алсгеймер ва Паркинсон касалликларини аниқлай оладиган портатив, ноинвазив қурилма ихтиро қилишди. Тадқиқот натижалари Proceedings of the National Academy of Sciences (PNAS) журналида чоп этилди.

Қайд этилишича, қурилма кимёвий эмас, балки электр биомаркерларга асосланган. Қурилма ҳаддан ташқари юқори аниқликка эга. У бир атомли қалин графен қатлами ва учта электроддан тайёрланган юқори сезгир транзисторли микросхемадан иборат. Зонд электродлардан бирига уланади ва бета-амилоид ёки тау-оқсили, шунингдек алфа-синуклеин билан боғланади. Бу оқсиллар нейродегенератив касалликларнинг ўзига хос белгиларидир. Оқсилларнинг зонд-аптамерга уланиши электродлар орасидаги оқим миқдорини ўлчашга олиб келади. Кучланишни ўзгартириш муайян биомаркерларни аниқлаш имконини беради.

Шунингдек, бемор миясидан олинган бета-амилоид оқсиллари устида олиб борилган тажрибаларда қурилма Паркинсон ва Алсгеймер касалликлари учун махсус биомаркерларни муваффақиятли аниқлади. Қурилма жуда паст намуна концентрациясида ҳам ишлайди.

Олинган натижалар симсиз тарзда ноутбук ёки смартфонга узатилиши мумкин.

Қурилмани бир йилдан кейин бозорга чиқариш режалаштирилган.