+18. Ана холос! Бемор операция столида ёниб кетди

Москвада бемор аёл елкаси синган ҳолда шифохонага келтирилди. Беморни операция столига ётқизиб, унга оғриқ қолдирувчи дори укол қилишди, шундан сўнг қиз ухлаб қолган. Аммо маълум вақтдан сўнг у қаттиқ оғриқдан уйғониб кетди. Чунки ёнаётган эди.

Бемор қичқира бошлади, операция қилган шифокорлар эса ёнғинни ўчиришга киришдилар. Ёнғин ўчирилди, аммо қиз оғир жароҳат олди: унинг қўли ва орқа қисми куйди. Шифокорлар жабрланувчининг турмуш ўртоғига ёнғин ускунадаги қисқа туташув туфайли содир бўлганини тушунтиришди, яъни бемор ётган чойшаб антисептик билан намланган ва бир зумда ёниб кетган.

Қизнинг яқинларининг сўзларига кўра, шифокорлар ундан узр ҳам сўрашмаган. Касалхонада улар куйиш жиддий эмаслигини таъкидлаб, ваҳима қилмасликни сўрашган.