Зироат Мирзиёева "Меҳрли мактаб "(Ўзбекистондаги илк госпитал мактаб) га ташриф буюрди

Зироат Мирзиёева "Меҳрли мактаб "(Ўзбекистондаги илк госпитал мактаб) да.

“Меҳрли мактаб” - Болалар гематологияси, онкологияси ва клиник иммунологияси марказида даволанаётган болаларнинг узлуксиз таълим олишини таъминлаш мақсадида ташкил этилган.

Мактабнинг вазифаси – узоқ вақт даволанаётган ҳамда мактаб ёки боғчага бориш имконияти бўлмаган болаларнинг сифатли ва узлуксиз таълим олиш ҳуқуқини рўёбга чиқаришга кўмаклашишдир.

Zamin Creative ижод студиясида болалар мусиқа, тасвирий санъат ва медиа йўналишларида билим олмоқда. Шамшод исмли болакай суратга олиш йўналишида таҳсил олмоқда. У Зироат Мирзиёевани суратга олиб, суратни Замин фонди Васийлик кенгаши раисига совға қилди.