Йўналиш танлаётган абитуриентлар диққатига!

Йўналиш танлаш учун 1 кун вақт қолди. 10 август соат 23:59 га қадар абитуриентлар ўзлари танлаган фанлар мажмуасига мос йўналишни танлашлари мумкин.

Ушбу муддат давомида йўналиш танламаган абитуриентлар танловда иштирок этмайди, яъни улар ўқишга кира олмайди. Неча балл олган бўлишидан қатъи назар.

Илтимос, яна бир бор яхшилаб қайта текшириб кўринг. Йўналиш танлаганингизга ишончингиз комил бўлсин.

Шунингдек, эртага соат 23:59 га қадар танлаган йўналишини ўзгартириш ҳам мумкин. Фақат имкони бўлса, ўзгартиришни вақт кам қолганда амалга оширманг. Одам кўплигидан серверда техник муаммо чиқса, сиз учун кутилмаган ёқимсиз ҳолат бўлиши мумкин. Барчасини вақтлироқ ҳал қилинг.