Хитой Украина можаросида воситачилик қилишда Европа Иттифоқини қўллаб-қувватлайди

“Ўт очишни тўхтатиш жуда муҳим. Хитой оловга мой қуймайди, лекин қўл қовуштириб ҳам ўтирмайди ва ўз ролини ўйнашда давом этади. Шу билан бирга, биз Европа Иттифоқи ва Европанинг йирик давлатларинининг фаол воситачиликни давом эттириш ва тинчликка эришиш учун барча саъй-ҳаракатларини қўллаб-қувватлаймиз”, — дейди Хитой ташқи ишлар вазири Ван И Жозеп Боррел билан учрашувда.

Унинг қўшимча қилишича, Украинадаги можаро кенгайиб, чўзилиб бормоқда. Салбий таъсирлар эса тобора жиддийлашиб бормоқда. Бу эса Хитойни қониқтирмайди. Дипломатнинг сўзларига кўра, Пекин Москва ва Киев ўртасидаги музокараларни дастлабки шартларсиз қайта бошлаш тарафдори.