WhatsApp’да янги функциялар пайдо бўлади
Apple қурилмалари эгалари WhatsApp мессенжерида ўзи ўчиб кетадиган хабарлар жўнатиш имкониятига эга бўлади. View Once (Бир марта кўр) функцияси мессенжернинг 2.21.140.9 бета-версиясида пайдо бўлди, деб ёзади Wabetainfo.
Қайд этилишича, View Once функцияси шахсий ва гуруҳ ёзишмаларида ишлайди. Ёзишма вақтида жўнатилган хабар фойдаланувчи бир марта кўрганидан сўнг ўчиб кетади.
Шу билан бирга, хабар ўчиб кетгунига қадар экрандан скриншот олиш мумкин бўлади. Бунда хабарни жўнатувчи скриншот олинаётганидан хабардор қилинмайди.
Шунингдек, WhatsApp дастурчилари фото ва видеоларни ҳажмини кичрайтирмасдан жўнатиш функцияси устида иш олиб бормоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
