Винисиус учун "Реал"га 1 миллиард евро таклиф қилинди. Агар футболчи рози бўлса...

Саудия Арабистони чемпионати клуби Испаниянинг «Реал» клубига бразилиялик ҳужумчи Винисиус Жуниор учун 1 миллиард евро таклиф қилди.

The Atletik хабарига кўра, футболчи трансфер таклифини рад этган, чунки у мадридликлар сафида бахтли ва испан клуби билан «Олтин тўп»ни қўлга киритмоқчи. Шунингдек, «Реал» ўз етакчиларидан бири билан хайрлашиш ниятида эмаслиги қайд этилган.

Шу билан бирга, Саудия Арабистони клуби раҳбарияти биринчи уринишдаги муваффақиятсизликка қарамай, келажакда музокараларга қайтиш ниятида. "Globo" портали хабарига кўра, футболчининг трансферига «Ал-Аҳли» клуби қизиқиш билдирмоқда.

Агар Винисиус бу таклифга рози бўлса, энг қиммат трансфер борасидаги рекордларни ортда қолдиради.