Венесуэла президенти Николас Мадуро Россияга ташриф буюришини эълон қилди
![Венесуэла президенти Николас Мадуро Россияга ташриф буюришини эълон қилди Венесуэла президенти Николас Мадуро Россияга ташриф буюришини эълон қилди](/photos/news/13OtedfhJKTO2yf.jpeg)
Венесуэла президенти Николас Мадуро тез орада Россияга ташриф билан боришини маълум қилди. Бу ҳақда у телеэфир чоғида айтиб ўтган, деб ёзади “ТАСС”.
“Президент Путинга етказиб қўйинглар, тез орада унинг олдига бораман”, — деди Мадуро Россиянинг Венесуэладаги элчиси Сергей Малик-Багдасаровга мурожаат қилиб.
Мадуро сафари қачон амалга ошишига аниқлик киритмади.
Мадуронинг ташрифи ишлаб чиқилаётгани ҳақида Россия президентининг матбуот котиби Дмитрий Песков январдаёқ маълум қилганди. У бундай учрашувга эҳтиёж “ҳозир бор”лигини таъкидлаган, аммо ташрифнинг тахминий муддатига аниқлик киритмаган эди.
Мадуро сўнгги марта Россияга 2019 йил сентябрида келган.
Матнда хатолик топсангиз, ўша хатони белгилаб, бизга жўнатинг (Ctrl + Enter).