Вашингтон Туркияга F-16 сотиш бўйича ён бермоқда
АҚШнинг 2023 йилги мудофаа бюджетини ўз ичига олган Миллий Мудофаа Рухсатномаси Қонунининг якуний версиясида Вакиллар Палатаси томонидан Туркияга F-16 сотишни чекловчи моддалар олиб ташланди.
АҚШ Конгрессининг ҳар икки палата сенаторлари ва вакилларидан иборат қўмитаси 857 миллиард долларлик мудофаа бюджетини ўз ичига олган қонун лойиҳасини тайёрлади.
Вакиллар Палатасида қабул қилинган қонунда “Қурол экспортини назорат қилиш доирасида Туркияга ҳеч қандай янги F-16 қирувчи учоқлари ва унинг модернизация тўпламлари сотилмаслиги” ҳақидаги модда олиб ташланган. Сенат ва Вакиллар Палатасининг тегишли қўмиталари бундай ўзгаришларга қуйидаги шартлар асосида розилик билдирган: “Қирувчи учоқларнинг сотилиши АҚШнинг миллий хавфсизлик манфаатларига зид бўлмаслиги ва бу учоқлар Греция ҳаво ҳудудини бузмаслигини таъминлаш бўйича аниқ чоралар кўрилиши лозим”.
Конгресснинг бундай қарорга келишига Туркия дипломатлари ва Ташқи ишлар вазирлигининг Вашингтондаги саъй-ҳаракатлари таъсир кўрсатгани айтилмоқда.
Эслатиб ўтамиз, Туркия АҚШдан 40 та янги F-16 қирувчи самолёти ва ҳарбий базасидаги 80 та самолёт учун модернизация тўпламларини талаб қилаётган эди.
