Ўзбекистонда «яшил» ҳудудга айланган 6 та туманда масжидлар очилди

Ўзбекистонда «яшил» ҳудудга айланган 6 та туманда масжидлар очилди

Ўзбекистондаги туман ва шаҳарларнинг 26 июнь ҳолатига кўра эпидемиологик тоифалари рўйхати янгилангани ҳақида аввалроқ хабар берилганди. Янги рўйхатга асосан «яшил» тоифага ўтган олтита туманда масжидлар ўз фаолиятини тиклади. Бу ҳақда Дин ишлари бўйича қўмита хабар берди.

Рўйхатга кўра, Қорақалпоғистон Республикаси Хўжайли тумани, Наманган вилояти Косонсой тумани, Сурхондарё вилояти Сариосиё, Термиз, Ангор ва Узун туманларига «яшил» ҳудуд тоифаси берилди.

Ўзбекистон мусулмонлари идорасининг карантин даврида масжидлар фаолиятини ташкил этиш юзасидан баёнотига мувофиқ, шу йил 29 июндан бошлаб ушбу ҳудудларда жойлашган масжидлар намозхонлар учун очилди.

Эслатиб ўтамиз, Республика махсус комиссиясининг қарорига мувофиқ Ўзбекистондаги «яшил» ҳудудларда 8 июндан бошлаб масжидлар ўз фаолятини қайта бошлаган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади ва телефон ракамни тасдиклаш керак булади!