Artel компанияси – БМТнинг Глобал шартномаси аъзоси

Artel компанияси – БМТнинг Глобал шартномаси аъзоси

Artel Electronics MChJ (Artel) БМТ Бош Ассамблеяси ва Ўзбекистон Барқарор ривожланиш коалициясига қўшилди. Бу борада у учинчи ўзбек компаниясига айланди.

Artel Electronics MChJ (Artel) БМТ Глобал Шартномасининг (БМТ ГШ)га расман қўшилди ва бу борада Марказий Осиёдаги биринчи маиший техника ишлаб чиқарувчисига айланди. Шунингдек, Artel БМТ Глобал шартномасига қўшилган учинчи ўзбек компанияси бўлди.
Маълумот учун, БМТ ГШ 2000 йилда ташкил этилган ва у корпоратив ижтимоий масъулият ва барқарор ривожланиш соҳасидаги халқаро ихтиёрий бизнес ташаббусидир.

Таъкидлаш керакки, Artel энди 10 000 дан ортиқ таниқли компаниялар, жумладан, Microsoft, Facebook ва Nestle компаниялари билан бир сафда. Artel бу компаниялар билан бирга БМТ Глобал шартномасининг инсон ҳуқуқлари, меҳнат муносабатлари, атроф-муҳит ва коррупцияга қарши кураш соҳаларидаги ўнта асосий тамойилларга содиқдир. Шунингдек, БМТ Барқарор тараққиёт мақсадларини (БТМ) илгари суради. Artel'нинг бу муҳим қадами шуни англатадики, Ўзбекистон хусусий сектори халқаро стандартларга мослашиш йўлида интилмоқда.

Artel компанияси Ўзбекистон Барқарор ривожланиш коалициясининг асосий аъзоларидан бири сифатида ҳамкорлар билан биргаликда мамлакатни янада ривожлантириш ҳамда ижтимоий ва экологик масъулиятни оширишга қаратилган ташаббусларни қўллаб-қувватлайди. Компаниянинг муҳим позицияси – сув таъминоти, гендер тенглиги ва таълим соҳасида самарали фаолият олиб боришда намоён бўлади.

Бектемир Муродов, “Artel Electronics” MChJ бошқаруви раисининг молия бўйича ўринбосари:
“Биз БМТнинг Глобал келишувига қўшилганимиздан ва барқарор ривожланишга интилаётган компаниялар фаол глобал ҳамжамиятининг бир қисмига айланганимиздан мамнунмиз. Мамлакатдаги энг йирик компаниялардан бири сифатида барқарор ривожланишга кўмаклашиш, халқаро меҳнат стандартлари ва инсон ҳуқуқларига риоя қилиш, коррупцияга қарши курашиш бўйича масъулиятимизни ҳис қиламиз. БМТ ГШга аъзо бўлганимиз ушбу тамойилларга содиқлигимизни тасдиқлайди.
Шунингдек, биз дунёнинг етакчи компанияларидан кўп нарсани ўрганиш учун ажойиб имкониятга эга бўлганимизни биламиз ва Ўзбекистонда Барқарор ривожланиш мақсадларига эришиш йўлини муҳокама қилишда фаол қатнашишни интиқлик билан кутамиз”.

Artel'нинг БМТнинг Глобал шартномасига қўшилиши ESG (Экологик, ижтимоий ва корпоратив бошқарув)ни ривожлантиришдаги яна бир муҳим қадамдир. Охирги бир неча йил ичида Artel компанияси корпоратив бошқарув тизимини илғор жаҳон тажрибасига мос равишда қайта қуриш, маҳсулот самарадорлигини ошириш ва компания фаолиятининг атроф-муҳитга салбий таъсирини камайтиришга катта эътибор берди. Шунингдек, сув ва таълимдан фойдаланишни таъминлашга қаратилган муҳим ижтимоий лойиҳаларни ҳам амалга оширди.

Шуни алоҳида таъкидлаш керакки, Artel компанияси БМТнинг аёлларга нисбатан зўравонликка барҳам бериш бўйича 16 кунлик дастурини фаол ёритиб келмоқда ва тез орада Аёлларни ривожлантириш дастурини ишга туширади. Дастурнинг бир қисмида юридик клиника, ҳуқуқий саводхонликни ошириш ва гендер тенглик тарғиб қилинади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!