Украинанинг маданий меросига 3,5 миллиард доллар зарар етди - БМТ

Россиянинг Украинага кенг кўламли бостириб кириши бошланганидан сўнг, мамлакатнинг маданий меросига 3,5 миллиард долларга яқин зарар етди, деб хабар қилди ЮНEСКО.

Бундан ташқари, БМТ маълумотларига кўра, маданият ва туризм соҳалари уруш бошланганидан бери жами 19 миллиард доллар даромад йўқотган.

ЮНEСКО маълумотларига кўра, зарарни баҳолаш учун сунъий йўлдош тасвирларидан фойдаланган ҳолда 5000 га яқин бино, жумладан 340 дан ортиқ музей, ёдгорликлар, кутубхоналар ва диний объектлар вайрон бўлган.

ЮНEСКОнинг Жаҳон мероси рўйхатига киритилган иккита объект - Лвовнинг ўрта асрлар маркази ва Одессанинг тарихий маркази - Россия ҳужумларидан энг кўп зарар кўрган.

Ташкилотнинг Украинадаги вакили Чиара Деззи Бардески, айниқса, Одессадаги Трансфигурация собори, ўтган июлдаги ҳужумда жиддий зарар кўрганини таъкидлади.

1794 йилда асос солинган ва 1936 йилда советлар томонидан вайрон қилинган собор 2000 йилларда хусусий хайр-эҳсонлар билан қайта тикланган.

Бардескининг сўзларига кўра, собор шаҳар учун диний ва маънавий аҳамиятга эга, бироқ энди ундан фойдаланиш мумкин эмас.