Украина армияси: 70 нафар россиялик ҳарбий зарарсизлантирилди

Украина ҳимоячилари Таврия йўналишида рус армиясининг 70 аскарини зарарсизлантиришди.

“Таврия” оператив-стратегик қўшинлари гуруҳи қўмондони бригада генерали Александр Тарнавский Украина Қуролли кучлари Россиянинг 50 дан ортиқ техника ва ўқ-дориларини йўқ қилганини маълум қилди.

Унга кўра, кун давомида душман Украина позицияларига 17 марта ҳужум қилиб, 783 марта ўқ узган, 1 та ракета ва 17 та ҳаво зарбаси берган. Шу билан бирга, ушбу йўналишда Украина артиллерия бўлинмалари кун давомида 1116 марта отишма топшириғини бажарди.

Охирги кун давомида Россия армиясининг 154 аскари яраланди. Бундан ташқари, бир аскар Украина Қуролли кучлари томонидан асирга олинган.