Туркияда Европа кулолчилик йўналиши
Европа кулолчилик йўналиши, ушбу санъатнинг ривожланиши ва Европа мамлакатлари мероси умумий маданий меросга қандай ҳисса қўша олишини оммага исботлаш мақсадида татбиқ этилган маданий йўналишлар қаторига киритилган.
Барқарор туризмга ҳисса қўшишдан ташқари, ушбу қадимий анъанани ҳаётга татбиқ этувчи соҳа, ташриф буюрувчиларга мероснинг моддий жиҳатлари (ноёб бадиий маҳсулотлар ва коллекциялар, устахоналар ва музейлар) ҳамда, номоддий жиҳатлари (маҳаллий билимлар мажмуи ва сопол буюмлар ишлаб чиқариш учун зарур ҳунармандчилик сир-асрорлари) ҳақида ҳам маълумот беради.
Изник
ХV-ХVI асрларда Изникда (тарихда Никеа номи билан машҳур) ишлаб чиқарилган сопол кошинлар Усмонлилар империясининг маданий ва санъат бойлигининг чўққисини кўрсатади. Ушбу кошинлар бугунги кунда ҳам кўплаб масжидлар ва саройларнинг деворларини безаб турибди. Изник кошинлари намуналари Туркия ва бутун дунё музей коллекцияларининг қимматбаҳо буюмлари орасида.
