Туркия ташқи ишлар вазири Фидан: Анқара Исроил билан дипломатик муносабатларни узиши мумкин

Туркия Исроил билан дипломатик муносабатларни узиши мумкин, аммо керакли натижага эришиш учун бу қарор бир вақтнинг ўзида бир нечта давлат томонидан қабул қилиниши керак.

Бу ҳақда Туркия ташқи ишлар вазири Хоқон Фидан Қатарнинг Al Jazeera телеканалига берган интервьюсида айтиб ўтди.

Унинг сўзларига кўра, ислом давлатлари бир-бирини қўллаб-қувватлаши ва “бирлашган фронт” сифатида ҳаракат қилиши керак.

“Можаронинг бошиданоқ биз принципиал позицияни эгалладик: қарорлар бир вақтнинг ўзида кўплаб ислом давлатлари, дунё давлатлари, ҳатто Лотин Америкаси томонидан ҳам қабул қилиниши керак, шунда улар кучлироқ бўлади”, — дея вазирнинг сўзларидан иқтибос келтиради РИА Новости.