Turkish Airlines «Европанинг энг яхши авиакомпанияси» деб тан олинди
Turkish Airlines авиация рейтинг агентлиги Skytrax томонидан тўққизинчи марта «Европанинг энг яхши авиакомпанияси» деб топилди. Ушбу нуфузли мукофот Лондонда бўлиб ўтган World Airline Awards мукофотини топшириш маросимида топширилди.
Turkish Airlines ушбу мукофотдан ташқари, Жанубий Европанинг энг яхши бизнес класси таомлари ва дунёнинг энг яхши авиакомпанияси учун ҳам мукофотларга сазовор бўлди.
Skytrax бош директори Эдвард Плейстед, Turkish Airlinesни табриклаб, компаниянинг «мижозларнинг севимлиси» эканлигини айтди.
«Turkish Airlinesни Европанинг энг яхши авиакомпанияси номига сазовор бўлгани билан табриклаймиз, бу эса бундай рақобатбардош минтақада тўққизинчи марта ажойиб ютуқ бўлиб, авиакомпаниянинг мижозларнинг севимлиси эканлигини кўрсатади. Turkish Airlines дунёнинг энг яхши бизнес-класс таомлари мукофотини қўлга киритиб, ўтган йилги муваффақиятини такрорлади. Авиакомпания ҳам, унинг cатеринг ҳамкори Turkish DO&CO ҳам бу муваффақиятдан фахрланиши керак», деди Плейстед мукофотни топшириш чоғида.
