Toyota Россиядаги заводини ёпишга қарор қилди
Toyota Россияда автомобиллари ишлаб чиқаришни тўхтатди. Компания Санкт-Петербургдаги Шушари қишлоғида, мамлакатда 15 йил ишлаган заводни ёпишга қарор қилди. Бу ҳақда "Коммерсант" манбаси хабар бермоқда.
Корхона сақланиб қолади ва кейинчалик сотилиши мумкин. Энди у ерда Toyota маркали автомобиллар ишлаб чиқарилмайди. Компания нашрга офис ва завод ходимларига юқори компенсация таклиф қилинишини айтди. Шу билан бирга, компания Россияни тарк этмайди.
Завод ёпилишининг сабаби таркибий қисмларни етказиб беришни қайта тиклашнинг иложи йўқлиги эди. Манбаларнинг таъкидлашича, Toyota ва Lexus автомобиль эгалари учун ҳеч нарса ўзгармайди, компания автомобилларга хизмат кўрсатишни давом эттиради. Қарор, шунингдек, дилерлик тармоғининг ишлашига таъсир қилмайди.
Завод Camry ва RAV4 моделларини ишлаб чиқар эди. Корхонада ҳар йили 100 мингта автомобиль ишлаб чиқарилар эди. Россия заводидан машиналар Қозоғистон, Белорусия ва Арманистонга ҳам етказиб берилган.
Ҳозирги шароитда, янги автомобиллар учун хорижий бутловчи қисмларни етказиб бериш чекланган бўлса, янги машинани танлашда руслар Lada брендини афзал кўришни бошладилар. Истеъмолчилар бундай автомобилнинг арзонлиги, шунингдек арзон техник хизмат кўрсатишнинг афзаллиги сабабли уларни маъқул кўришганини айтмоқда.
