Тоғли Қорабоғнинг келажаги қандай бўлади? Алиев жавоб берди

Озарбайжон президенти Илҳом Алиев Тоғли Қорабоғ билан боғлиқ кейинги режалар ҳақида гапирди.

"Мен бу ҳақда бир неча бор очиқчасига гапирганман ва энди сизларга айта оламан. Шунингдек, мен Aрманистоннинг собиқ раҳбариятига воситачилар, Минск гуруҳининг ҳамраислари орқали келажакни қандай кўришимиз тўғрисида маълум хабарларни етказдим. Биз Қорабоғ обод, хавфсиз, Озарбайжоннинг хавфсиз ҳудуди деб биламиз. Озарбайжон ва арман жамоалари биргаликда яшашлари учун биз Озарбайжоннинг бошқа барча ҳудудларини қандай ривожлантирсак, Қорабоғда ҳам худди шундай тараққиётни режалаштирмоқдамиз", деди у.

Хабарда айтилишича, Озарбайжон Республикаси Президенти Илҳом Aлиев Франциянинг "Le Figaro" газетасига берган интервьюсида унинг Қорабоғ келажаги ҳақидаги қарашларига оид саволга жавоб берди.

"Сизга шуни айтишим мумкинки, бизда сезиларли иқтисодий ютуқлар мавжуд. Бизда қашшоқлик даражаси жуда паст, тахминан 5%. Aрманистонда бу кўрсаткич 50% га яқин. Бундан ташқари, бизда ишсизлик даражаси паст. Пандемия олдидан бу 5% атрофида эди, ҳозирда 7%. Aммо, бу омил кенг тарқалган Тоғли Қорабоғ билан таққослаганда, тафовут кун билан тун ўртасидаги фарқни англатади, яъни биз у ерда яшовчи арманлар ва у ерга қайтиб келадиган озарбайжонликлар учун яхшироқ ҳаёт таъминлай оламиз. Ишончим комилки, икки миллат, икки халқ тинчлик ўрнатади", — дея қўшимча қилди давлат раҳбари.