Сузиш бўйича Жаҳон кубогида ўзбекистонлик паралимпиячилар 10 та медалга эга чиқди
7-11 июнь кунлари Германиянинг Берлин шаҳрида паралимпиянинг сузиш тури бўйича Жаҳон кубоги сериясига кирувчи мусобақа бўлиб ўтди. Унда 67 та давлатдан 592 нафар спортчи иштирок этиб, улар орасида 5 нафар ўзбекистонлик спортчи совринли ўринлар учун куч синашди.
Ҳамюртларимиз ушбу нуфузли мусобақада 2 та олтин, 2 та кумуш ва 6та бронза, умумий ҳисобда 10 та медални қўлга киритишди. Спортчиларимиз мусобақа давомида 2 та жаҳон ва 7 та Осиё рекордларини янгилаганликларини алоҳида қайд этиб ўтишимиз лозим.
Терма жамоамиз спортчиларининг мусобақадаги натижалари:
Ислом Асланов:
50 м. крол – олтин, Осиё рекорди
100 м крол – олтин, Осиё рекорди
50 м баттерфляй – бронза, Осиё рекорди
100 м баттерфляй – бронза, Осие рекорди
Дмитрий Хорлин:
800 м эркин усулда – кумуш, Жаҳон рекорди
200 м. комплекс – бронза, Осиё рекорди
Музаффар Турсунхўжаев:
200 м баттерфляй – бронза, Осиё рекорди
50 м крол – бронза
Фирдавсбек Мусабеков:
50 м брасс – кумуш, Жаҳон рекорди
200 м брасс – бронза, Осиё рекорди
Manba: xs.uz