Сунъий интеллект тиббий хатоларнинг 95 фоизини олдини олишга ёрдам берди
Массачусетс Генерал Ҳоспитал (АҚШ) мутахассислари операциялар пайтида сунъий интеллектнинг (АИ) афзалликлари ҳақида гапириб беришди. Тадқиқот Анестҳециа & Аналгециа журналида чоп этилди.
МД Карен С. Нанжининг сўзларига кўра, шифокорлар операция вақтида дори-дармонларни танлаш ва буюришда кўпинча хато қилишади. АИ моделлари шифокорларнинг ҳаракатларини таҳлил қилиш ва кўплаб хатоларнинг олдини олишга қодир.
Тадқиқот 2020 йил августидан 2022 йил августигача бўлган даврда жарроҳлик муолажалари учун анестезиологлар томонидан ҳужжатлаштирилган дори-дармон хатолари билан боғлиқ хавфсизлик ҳисоботларини ўрганиб чиқди. Икки мустақил шарҳловчи ҳар бир хатони вақт ва турга қараб таснифлади. Натижада шифокорлар 80 та дори-дармон хатосини аниқладилар, улардан 76 ёки 95 фоизини олдини олиш мумкин эди.
Нанжи ва унинг ҳамкасблари шифокорлар ҳаракатларини кузатиш ва хатоларнинг олдини олиш учун АИ моделларини жорий қилишни тавсия қилади. «Клиник қарорларни қўллаб-қувватлаш операция хоналарида тиббий ёрдамнинг самарадорлиги ва сифатини яхшиласада, у ҳали амалга оширишнинг дастлабки босқичида», деди тадқиқот ҳаммуаллифи Линда Амиcи.
