Столтенбергнинг муҳим баёнотлари

НАТО бош котиби Йенс Столтенберг Германиянинг Funke медиа гуруҳига берган интервьюсида "Украинада узоқ урушга тайёргарлик кўришга" чақирди.

Йенс Столтенбергнинг сўзларига кўра, "Кўпчилик урушлар бошланган пайтдан кутилганидан узоқроқ давом этади".

Бош котиб, шунингдек, сулҳ ва ўт очишни тўхтатишга қарши чиқди: "Тинчлик келишуви Россияга яна ҳужум қилиши учун муҳлат бўлмаслиги керак. Биз энди Россиянинг Европа хавфсизлигини хавф остига қўйишига йўл қўя олмаймиз".

Шу билан бирга, унинг сўзларига кўра, НАТО "тезда тинчликка" интилади, лекин Украинанинг йўқ бўлиб кетиши эвазига эмас. Столтенбергнинг фикрича, Украина охир-оқибат НАТОга қўшилади.