Собиқ Чорсу меҳмонхонаси 1 сўмга сотилмоқда

Тошкент марказида жойлашган қадимий “Чорсу” меҳмонхонаси 1 сўм қийматда ким ошди савдосига қўйилди. Бу ҳақда Е-аукцион электро савдо платформаси хабар қилмоқда.

Хабарда айтилишича, меҳмонхона 2 йил ичида 25 миллион доллар инвестиция киритиш шарти билан сотилмоқда. Шуниндек, янги очиладиган корхонада 150 та иш ўринлари яратилиши керак.

Эслатиб ўтамиз, 3 йил олдин ушбу бинони туркиялик бизнесмен Ахмет Демир сотиб олиши ҳақида эълон қилинган эди. Ўшанда сармоядор меҳмонхонага 33 миллион доллар инвестиция киритиши ва бу ерда 270 ўринли 4 юлдузли меҳмонхона қурилиши ҳамда  350та янги иш ўринлари яратилиши ҳақида хабар берилган эди. Лекин белгиланган вақт ўтиб, бизнесмен ўз ваъдасини амалга оширмаганидан сўнг, ушбу шартнома бекор қилинган эди.