Шевченко Украина футбол ассоциациясининг янги президенти этиб тайинланиши мумкин

Катта эҳтимол билан Андрей Шевченко Украина футбол ассоциациясининг (УАФ) янги президенти этиб тайинланади. Бу ҳақда Украина терма жамоасининг собиқ ҳужумчиси, у ҳам юқори лавозим учун курашаётган Роман Зозуля хабар берди.

«Шевченко УАФ президенти этиб тайинланмоқда. Бунда минтақавий ассоциациялар овоз беради, лекин уларнинг ортида губернаторлар, орқасида эса президент идораси туради. Айтганча, овоз бериш ёпиқ тартибда амалга ошади. Қизиқ, нега?

Қисқаси, мен техник номзод бўлишни хоҳламадим. Шунинг учун биз бу фикрда пауза қилдик. Лекин биз бундан умуман воз кечмаймиз.

Менимча, Шевченко варианти узоқ давом этмайди. Адолатли сайловларда эса менинг дастурим ва жамоам кучлироқ бўлади», — дея Зозулянинг сўзларини келтиради КДК телеграм канали.