Саудия Арабистонида 12 мингдан ортиқ ноқонуний мигрант қўлга олинди
Расмий ҳисоботга кўра, Саудия Арабистони расмийлари бир ҳафта ичида яшаш, ишлаш ва чегара хавфсизлиги қоидаларини бузганлик учун 12 436 кишини ҳибсга олди.
22-28 сентябрь оралиғида жами 6 911 киши яшаш қоидаларини бузганлик учун ҳибсга олинган бўлса, 3 249 нафари чегарани ноқонуний кесиб ўтишга уринишлари, яна 2 276 нафари меҳнат билан боғлиқ масалалар бўйича ҳибсга олинган.
Ҳисобот шуни кўрсатдики, қиролликка ноқонуний киришга урингани учун ҳибсга олинган 198 кишидан яна 44 киши қўшни давлатларга ўтмоқчи бўлган ва 8 нафари қоидабузарларни ташиш ва яширишда иштирок этганлик учун қамоққа олинган.
Саудия Арабистони Ички ишлар вазирлиги қиролликка ноқонуний киришга кўмаклашган, жумладан, транспорт ва бошпана билан таъминлашда ёрдам берган ҳар қандай шахс кўпи билан 15 йилгача қамоқ жазоси, 1 миллион СР (260 минг доллар)гача жаримага тортилиши ёки автомашиналари мусодара қилиниши мумкинлигини таъкидлади.
