Руслар бу йил ''бабье лето'' ҳодисасига гувоҳ бўлмаслиги мумкин.

Русларда сентябрда ва октябрь ойи бошларида шундай мавсум бор. Худди бизда ёз ва қиш чилласи каби кичик иқлимий давр.

Сентябрь ойидаги яхшигина совуқ ҳаво тўлқинидан сўнг кунлар бирдан исиб кетишида юзага келадиган ёқимли иқлим шароити русларда ''бабье лето'' дейилади. Мазкур сўзнинг ўзбек метеорологик луғатларида таржимаси келтирилмаган. Google иловаларида ''ҳинд ёзи'' деб таржима қилинади.

Бабье лето - руслар учун ёқимли комфорт куз ҳавосини беради. Чунки, куз бошидаги ''яхшигина'' совуқдан сўнг иссиқлик тўлқини қалин кийимлар ўрнига енгил кийимлар кийишни, ёқимли қуёшли ҳавони тақдим этади. Ташқаридаги куз манзараси (яхшигина совуқдан сўнг дарахтларда хазонрезгилик бошланади) эса инсон физолигиясига ажойиб ҳиссиётларни беради.

Рус синоптикларига кўра, жорий йил сентябрда рус ерларида ҳинд ёзи бўлмайди. Сентябрнинг ўтган 20 кунлигида Россиянинг Европа қисми совуқ иқлимий давр қуршовида қолди, ҳозир ва келаётган ўн кунликда ҳам қуёш ерни кўпроқ қизитмаслиги ойдинлашмоқда.

Ғарбий Россияда октябрнинг датлабки 5 кунлигидан сўнг очиқ осмонда булутлар камайиши ва бабье летога ўхшаш ҳодиса бўлиши айтилмоқда, аммо бу афсуски рус халқи учун ҳақиқий ҳинд ёзи об-ҳавосини бермайди.

Ўзбекистонда эса ҳаммаси тескари, сентябрнинг учинчи декада боши иссиқ бўлишда давом этмоқда.