Россиянинг собиқ губернаторининг ўғлига қочишга ким ёрдам берди?
Сербия жиноий гуруҳи Россиянинг Красноярск ўлкаси собиқ губернатори Александр Усснинг ўғли Артём Уссга у АҚШга экстрадиция қилинишини кутаётган Италияни тарк этишга ёрдам берди, деб ёзади WSJ ўз манбасига таяниб .
Нашр манбасига кўра, қочиш жараёнида Усс камида бир марта машинасини алмаштирган, шунингдек, бир нечта чегараларни кесиб ўтган.
Аввалроқ Италиянинг Corriera della Sera нашри Россия махсус хизматлари Усснинг қочишига ёрдам бергани, Ла Републиcа эса унга Словения ва Сербия орқали машина алмаштириб кетишни таклиф қилгани ҳақида хабар берган эди. Маълум қилинишича, қочоқга камида ўн киши ёрдам берган, италиялик терговчилар аллақачон улардан баъзиларининг шахсини аниқлашган.
Эслатиб ўтамиз, Артем Усс 2022-йил октябр ойида АҚШ талабига биноан Италияда қўлга олинган, у нефт контрабандаси, ҳарбий технологияларни ноқонуний экспорт қилиш ва пул ювишда айбланмоқда. Март ойида Милан суди россияликни экстрадиция қилишни маъқуллади ва бир неча кундан кейин у уй қамоғидан қочиб кетди. Апрел ойи бошида Красноярск губернатори матбуот хизмати унинг ўғли Россияга қайтгани ҳақида хабар берган эди. Кейинроқ Александр Усс видеомурожаат ёзиб, унда ўғлини қўллаб-қувватлаган барчага, хусусан, Россия президенти Владимир Путинга миннатдорчилик билдирди. Апрел ойида кейинроқ Александр Усс губернаторлик лавозимини тарк этаётганини эълон қилди, чунки у федерал даражада ишлашни давом эттириш таклифини олган.
