Россия ва Мексика ташқи ишлар вазирлари икки томонлама муносабатларни муҳокама қилди
БМТ Бош Ассамблеясининг 78-сессияси доирасида Россия ташқи ишлар вазири Сергей Лавров ва Мексика ташқи ишлар вазири Алисия Барсена Ибарра ўртасида учрашув бўлиб ўтди.
Бу ҳақда Россия ташқи ишлар вазирлиги хабар бермоқда.
“Асосий халқаро ва минтақавий муаммолар юзасидан фикр алмашиш чоғида БМТ, G20, АПЕК ва бошқа кўп томонлама форумларда яқин ҳамкорликни давом эттиришдан, Россия ва Мексиканинг халқаро ҳуқуқ тамойиллари ва нормаларига содиқлиги ҳамда жамоавий ҳамкорликдан манфаатдорлик билдирилди. долзарб глобал муаммоларга ечим излаш тасдиқланди”, — дейилади Россия ТИВ хабарида.
Икки томонлама сиёсий мулоқотни ривожлантириш, савдо-иқтисодий, илмий-техникавий ҳамкорликни ошириш, маданий-гуманитар алоқаларни кенгайтиришга қаратилган саъй-ҳаракатларга алоҳида эътибор қаратилмоқда, дейилади Россия ТИВ баёнотида.
