Россия раҳбарияти террорчи сифатида баҳоланиши керак — НАТО ПАнинг янги раиси
НАТО Парламент Ассамблеяси президенти этиб эндигина сайланган франциялик сенатор Жоэль Гарьо-Майлям Россия раҳбариятини халқаро трибуналда террорчи сифатида кўриш кераклигини маълум қилди.
Жоэль Гарьо-Майлям сайловдан кейинги нутқида НАТО шарқий иттифоқчиларининг Россия таҳдиди ҳақидаги огоҳлантиришлари Россия Украинага ҳужум қилгунига қадар альянснинг ғарбий давлатлари томонидан четлаб ўтилганини эслатди.
"Энди ҳеч қандай иккиланиш бўлиши мумкин эмас. Россия раҳбарлари ҳақиқий террорчилар каби ҳаракат қилишмоқда, мисли кўрилмаган ваҳшийлик — тинч аҳоли ва инфратузилмага ҳужум қилишмоқда. Биз ҳаракат қилишимиз керак, улар халқаро трибуналларда террорчи сифатида судланиши керак", — дейди касби бўйича ҳуқуқшунос ва халқаро ҳуқуқ бўйича мутахассис Жоэль Гарьо-Майлям.
"НАТО парламенти сифатида биз Украина ва унинг халқи – эркинлик, демократия ва суверенитетни ҳимоя қилишда ҳар куни жасорат ва матонат кўрсатадиган халқнинг ёнида бўлишимиз керак", — дея таькидлади у.
Кейинчалик, НАТО ПАнинг жорий сессиясида хусусан, Россияни терроризмни қўллаб-қувватловчи давлат деб эълон қиладиган резолюцияни қабул қилиш режалаштирилмоқда.
Маълумот учун, НАТО Парламент Ассамблеяси альянснинг маслаҳат органи бўлиб, унда барча аъзо мамлакатлар парламентлари делегациялари йиғилади.
