Роналдунинг фикрича, у энди “Реал”га керак эмас

“Реал” етакчиси Криштиану Роналду Мадриддан кетишга астойдил бел боғлаган кўринади. У клубнинг навбатдаги таклифини ҳам рад этди.

Маълумотларга кўра, “Реал” португалиялик футболчига йилига 25 млн евро маош ва 7 млн евролик бонус (агар “Реал” мусобақаларда ғолиб бўлса ва Роналду шахсий совринларни қўлга киритса) таклиф қилган. Бироқ Криштиану бу таклифга рози бўлмаган. “El Mundo Deportivo” нашрининг ёзишича, Роналду Неймар ва Месси билан бир хил маош олмоқчи. “Қироллик клуби” эса Роналдунинг бу хоҳишини қаноатлантирмоқчи эмас. Роналду эса буни қуйидагича тушунмоқда: “Мен энди “Реал”га керак эмасман”. Шу боис Криштиану жамоадан кетишни энг маъқул йўл деб ҳисоблаяпти.